逃離會議森林

　　  會 議 ， 是 公 司 必 備 「 節 目 」 之 一 。 會 議 中 ， 你 我 有 機 會 表 現 自 己 的 精 明 或 膚 淺 ， 勇 氣 或 懦 弱 ， 對 抗 力 或 奉 承 力 。 當 然 ， 還 可 以 表 現 堅 忍 呵 欠 及 屎 尿 的 功 力 。
　 　 眾 同 事 的 真 面 目 ， 每 每 會 在 會 議 中 展 露 出 來 ， 如 果 會 議 有 老 細 或 高 層 猛 人 出 席 的 話 。 沒 有 老 細 或 高 層 列 席 的 會 議 ， 通 常 都 會 淪 為 風 花 雪 月 、 講 鹹 濕 說 是 非 的 茶 會 ， 頗 為 enjoyable 。
　 　 可 惜 ， 大 部 分 會 議 ， 老 細 或 上 司 總 會 在 場 （ 虧 你 我 還 以 為 他 們 很 忙 ） ， 因 此 你 我 不 可 不 盡 力 有 所 「 表 現 」 ─ ─ 就 算 表 現 不 出 自 己 的 精 明 ， 也 要 全 力 隱 藏 自 己 的 戇 居 。 難 怪 開 會 令 人 累 ， 很 累 。

　 　 不 過 ， 會 議 中 最 難 應 付 的 ， 其 實 不 是 你 的 上 司 ， 而 是 在 座 的 其 他 同 事 ， 他 們 像 你 一 樣 ， 也 想 有 「 表 現 」 ， 他 們 未 必 「 想 你 死 」 。 但 多 數 不 會 想 你 活 得 比 他 們 好 。
　 　 所 謂 知 己 知 彼 百 戰 百 勝 （ 真 的 ？ ） ， 如 要 成 功 地 對 付 眾 同 事 ， 你 首 先 須 要 知 道 他 們 各 屬 哪 一 類 型 ， 才 能 對 症 下 藥 。
　
模 棱 兩 可 型
　 　 他 特 徵 ： 這 種 人 永 遠 作 不 出 任 何 決 定 ， 既 怕 揹 鑊 ， 又 怕 逆 上 司 的 意 思 。
　 　 上 司 ： 「 你 認 為 阿 強 伯 個 提 議 掂 唔 掂 ？ 」
　 　 他 ： 「 嗯 … … 可 能 掂 ， 可 能 唔 掂 。 」
　 　 上 司 ： 「 你 認 為 呢 。 」
　 　 他 ： 「 嗯 … … 要 睇 情 形 。 」
　 　 上 司 ： 「 睇 咩 情 形 ？ 」
　 　 他 ： 「 嗯 … … 睇 當 時 情 形 。 」
　 　 上 司 ： 「 但 係 而 家 你 認 為 點 呢 ？ 」
　 　 他 ： 「 等 我 諗 清 楚 再 同 你 discuss 。 」
　 　 上 司 ： 「 但 係 我 地 而 家 要 決 定 。 」
　 　 他 ： 「 嗯 … … 咁 你 認 為 點 就 點 啦 ， 你 係 老 細 。 」
　
　 　 你 好 想 ： 你 就 算 不 是 老 細 或 上 司 ， 也 會 有 衝 動 把 那 傢 伙 的 眼 珠 挖 出 來 ， 然 後 問 ： 「 你 點 睇 ？ 」
　 　 他 仍 會 答 ： 「 嗯 … … 睇 下 點 先 。 」
　
乜 都 識 型
　 　 他 特 徵 ： 無 論 你 提 出 什 麼 ， 這 位 老 行 尊 都 會 立 即 指 出 ： 一 、 全 行 沒 有 人 這 樣 做 。 二 、 四 十 年 前 已 有 傻 瓜 試 過 這 樣 做 ， 一 敗 塗 地 。 三 、 含 笑 問 你 入 了 行 幾 多 年 。
　
　 　 你 好 想 ： 你 好 想 一 腳 把 他 萌 塞 的 腦 袋 踢 裂 ， 好 讓 那 些 裂 縫 能 容 納 些 少 別 人 的 意 見 。 然 後 ， 請 教 血 淋 頭 的 他 ， 四 十 年 前 屙 屎 屙 不 出 ， 是 不 是 就 等 於 今 天 不 可 嘗 試 再 屙 ， 是 不 是 便 秘 了 四 十 年 仍 未 夠 喉 。
　
好 似 乜 都 識 型
　 　 他 特 徵 ： 這 人 像 口 守 時 的 釘 ， 每 次 開 會 都 準 時 在 你 眼 中 出 現 。 他 識 少 少 ， 扮 大 大 代 表 。 他 熱 愛 誇 張 ， 並 聲 稱 所 有 好 主 意 （ 包 括 你 的 好 主 意 ） 都 是 由 他 一 人 構 思 出 來 的 。
　 　 「 籠 統 」 是 他 的 嗜 好 。 當 他 不 同 意 你 提 出 的 A 方 法 ， 他 便 會 大 聲 指 出 「 全 世 界 都 採 用 B 方 法 」 。 要 是 你 請 他 澄 清 「 全 世 界 」 即 是 指 誰 ， 他 會 支 吾 以 對 ， 或 說 某 調 查 報 告 好 像 是 這 樣 說 的 。 假 使 你 再 追 問 是 哪 一 份 調 查 報 告 ， 他 會 說 記 不 起 了 ， 總 之 是 那 份 「 全 人 類 都 有 睇 過 」 的 報 告 。
　
　 　 你 好 想 ： 你 並 不 想 「 全 人 類 」 都 收 聲 ， 你 只 想 把 他 一 個 人 的 舌 頭 連 根 拔 。
　
諷 刺 型
　 　 他 特 徵 ： 他 「 唔 抵 得 」 你 ， 一 有 機 會 便 企 圖 在 眾 人 面 前 令 你 尷 尬 ， 如 可 使 你 當 眾 出 醜 他 更 感 謝 上 帝 。
　 　 他 會 以 說 笑 形 式 來 表 示 他 並 沒 把 你 放 在 眼 內 。 例 如 他 會 叫 眾 人 肅 靜 ， 以 便 「 等 我 聽 下 呢 位 奇 才 有 咩 高 見 先 」 。 又 或 者 ， 如 果 你 是 女 同 事 ， 他 便 說 「 聽 下 靚 女 阿 姐 有 咩 指 示 先 ， 我 地 最 樂 意 為 靚 女 服 務 」 。
　 　 會 議 中 ， 他 也 會 漫 不 經 意 地 說 句 「 阿 乜 乜 睇 過 你 份 計 劃 ， 佢 話 唔 多 掂 喎 」 。 當 然 ， 他 自 己 就 是 「 阿 乜 乜 」 。
　
　 　 你 好 想 ： 你 想 告 訴 他 ： 阿 乜 乜 想 × 佢 老 母 。
　
怨 男 怨 女 型
　 　 他 特 徵 ： 無 論 公 司 怎 樣 改 善 ， 他 總 會 挖 到 東 西 出 來 complain ， 卻 永 遠 提 不 出 改 善 方 法 （ 因 為 根 本 沒 什 麼 不 妥 ） 。 萬 一 你 戇 居 到 表 示 同 情 及 了 解 他 的 處 境 ， 他 立 刻 會 告 訴 你 「 你 唔 明 架 喇 」 ， 然 後 再 把 那 些 「 好 唔 妥 」 的 芝 麻 綠 豆 事 從 頭 到 尾 向 你 覆 述 一 次 ， 直 至 你 崩 潰 為 止 。
　
　 　 你 好 想 ： 建 議 他 既 然 那 麼 苦 命 ， 不 如 撼 頭 埋 牆 「 死 左 佢 」 。
　
應 付 方 法
　 　 前 文 說 過 ， 要 百 戰 百 勝 ， 除 了 要 知 道 對 手 是 什 麼 動 物 ， 還 須 知 道 自 己 是 什 麼 禽 獸 。
　 　 本 人 頗 清 楚 自 己 屬 哪 一 類 型 ： 「 苟 且 偷 安 逃 避 現 實 型 」 。 我 從 來 不 知 道 該 如 何 應 付 上 述 各 類 人 種 ， 是 以 ， 每 次 開 會 前 ， 也 會 叫 阿 媽 到 時 到 候 打 個 電 話 來 找 我 ， 說 有 急 事 ， 那 我 便 可 從 會 議 室 跑 出 來 ， 跑 往 公 司 樓 下 的 茶 餐 廳 。
　 　 我 瘀 ， 但 快 樂 。