雞 蛋 最 怕 聽 的 話

　 　 口 講 無 憑 ， 說 話 卻 可 傷 人 。

　 　 女 人 一 句 「 某 某 勝 過 你 」 ， 足 以 令 你 半 身 不 遂 。

　 　 N 年 前 中 學 時 ， 有 個 老 師 在 全 班 同 學 面 前 ， 對 我 說 出 他 的 感 受 ： 「 林 振 強 ， 我 唔 鍾 意 見 到 你 個 樣 。 」

　 　 由 於 無 法 — — 亦 無 打 算 — — 改 變 自 已 的 樣 貌 ， 我 唯 有 這 樣 回 應 ： 「 我 都 唔 鍾 意 見 到 你 個 樣 。 」

　 　 之 後 ， 每 次 那 個 老 師 踏 進 課 室 ， 我 便 轉 身 離 場 。 結 果 整 個 學 期 都 沒 有 上 那 一 科 ， 考 試 當 然 不 合 格 。

　 　 所 以 ， 我 認 為 ， 如 無 必 要 ， 無 謂 出 口 傷 人 （ 傷 衰 人 除 外 ） 。

　 　 不 過 ， 出 口 傷 物 卻 無 傷 大 雅 。 你 知 道 什 麼 說 話 最 hurt 物 件 的 feeling 嗎 ？



大 地 最 怕 聽 見 的 說 話

　 　 人 的 腳 下 ， 就 是 大 地 ， 難 怪 大 地 最 希 望 人 類 不 要 腳 踏 實 地 （ 對 於 這 一 點 ， 暫 時 只 有 特 區 政 府 做 得 到 ） 。

　 　 踏 實 的 你 我 ， 不 只 腳 踏 實 地 那 麼 簡 單 ， 我 們 還 懂 得 儘 量 利 用 大 地 的 遼 闊 、 硬 淨 和 難 以 管 轄 的 弱 點 ， 不 斷 向 大 地 施 壓 ， 並 經 常 說 出 對 它 有 恐 嚇 性 的 語 句 ：

「 就 呢 度 啦 ！ 殊 ， 殊 殊 … … 」 （ 母 親 對 在 街 上 急 尿 的 小 兒 說 ）
「 就 呢 度 啦 ， 阿 黑 。 」 （ 狗 主 對 已 舉 起 後 腿 的 愛 犬 「 阿 黑 」 喁 喁 細 語 ）
「 踩 死 你 ！ 」
「 我 最 鍾 意 著 鬆 糕 鞋 行 街 。 」
「 白 韻 琴 宣 佈 繼 續 訓 街 絕 食 。 」
「 特 首 在 眾 官 簇 擁 下 微 服 出 巡 遊 街 。 」
「 快 ！ 有 冇 紙 袋 ？ 想 嘔 ！ 」
「 新 經 濟 擁 躉 眼 鏡 跌 到 成 街 都 係 。 」 （ 大 地 並 不 喜 歡 人 家 把 它 當 作 眼 鏡 鋪 ）
「 懷 疑 墮 樓 男 子 腦 漿 塗 地 。 」
「 … … 吐 （ 讀 音 「 two 」 ） ！ 」
　

雞 蛋 最 怕 聽 … …

　 　 奇 怪 ， 原 來 雞 蛋 最 怕 聽 見 的 說 話 ， 竟 然 和 人 類 的 一 樣 。 這 究 竟 反 映 出 英 雄 所 見 略 同 ， 還 是 人 腦 其 實 與 蛋 黃 無 甚 分 別 ？

　 　 最 hurt 雞 蛋 的 說 話 ：

「 費 事 諗 ， 炒 左 你 算 數 ！ 」
「 叉 燒 好 過 你 。 」
「 信 唔 信 我 扑 穿 你 ， 用 匙 羹 『 不 』 你 唻 食 ？ 」
「 你 唔 出 得 大 場 面 。 」
「 都 係 你 衰 ， 令 我 膽 固 醇 過 高 。 」
「 見 到 你 ， 我 就 有 衝 動 掟 雞 蛋 。 」
「 我 知 你 老 母 係 雞 。 」
「 你 連 老 竇 係 邊 個 都 唔 知 ！ 」
「 點 知 你 係 唔 係 壞 蛋 喎 。 用 大 光 燈 照 過 先 至 帶 你 返 屋 企 ！ 」
「 你 估 你 係 肉 彈 ？ 你 係 荷 包 蛋 咋 ！ 」
　

安 全 套 最 怕 聽 … …

　 　 安 全 套 的 任 務 嚴 肅 ， 樣 子 卻 滑 稽 ， 但 怎 也 勝 過 樣 子 嚴 肅 、 任 務 滑 稽 的 高 官 、 「 家 臣 」 ， 和 來 自 各 路 ， 道 貌 岸 然 的 擦 鞋 童 。

　

　 　 我 們 應 該 尊 敬 安 全 套 ， 它 們 不 是 赤 蠟 角 機 場 任 由 狂 徒 自 出 自 入 的 保 安 人 員 和 系 統 。 這 些 傷 害 安 全 套 自 尊 心 的 說 話 ， 實 在 不 應 多 說 ：

「 入 滿 水 做 水 彈 掟 落 街 ！ 」 （ 小 朋 友 提 議 的 夏 日 消 暑 節 目 ）
「 弊 ！ 吞 左 ！ 」 （ 女 對 男 說 ）
「 洗 下 佢 留 番 下 次 再 用 過 。 」 （ 孤 寒 鬼 說 ）
「 冇 咁 大 個 頭 唔 好 學 人 戴 咁 大 頂 帽 ， 甩 喇 ！ 」
「 好 核 突 呀 ， 好 似 仙 人 掌 咁 ！ 唔 准 掂 我 ！ 」
「 哈 哈 ， 乜 會 發 光 ？ 咁 仲 容 易 係 黑 暗 中 切 你 啦 ！ 」
「 手 指 戴 住 佢 ， 數 銀 紙 特 別 快 。 」
　

筆 最 怕 聽 … …

　 　 筆 ， 是 偉 大 的 發 明 。 它 簡 單 ， 高 效 率 ， 而 且 筆 挺 ， 人 類 無 法 學 到 它 ， 尤 其 是 「 筆 挺 」 那 部 分 （ 包 括 腰 骨 和 器 官 的 筆 挺 ； 西 裝 筆 挺 否 ， 不 大 重 要 ， 除 非 你 是 大 酒 店 的 餐 廳 部 長 ） 。

　 　 正 因 為 我 們 心 中 妒 忌 筆 ， 所 以 有 意 無 意 之 間 ， 會 對 它 說 出 些 難 聽 的 說 話 ：

「 我 一 緊 張 就 咬 筆 。 」
「 呢 枝 筆 被 控 強 插 鉛 筆 刨 。 」
「 冇 墨 ？ 被 校 長 陰 乾 了 ？ 」
「 我 要 投 筆 從 戎 ！ 」 （ 筆 也 認 為 此 舉 戇 居 ）
「 冇 帶 鎖 匙 ？ 試 下 用 支 筆 撬 啦 ！ 」
「 我 愛 筆 耕 。 」 （ 筆 覺 得 「 筆 耕 」 一 詞 作 狀 ， 並 認 為 一 般 筆 者 放 糞 施 肥 、 自 吹 自 擂 多 過 耕 耘 ）
「 金 筆 插 著 衫 袋 好 好 睇 。 」 （ 插 著 屁 股 仲 好 睇 仲 老 土 ！ ）
「 煙 灰 碟 同 筆 架 ？ 多 餘 ！ 一 隻 耳 仔 夾 住 一 樣 咪 得 囉 ！ 」 粥 麵 鋪 的 首 席 侍 應 生 說 。
「 罰 抄 一 億 句 『 我 以 後 不 准 做 民 意 調 查 』 ！ 」
　

後 記

　 　 可 是 ， 人 非 「 物 件 」 ， 心 靈 是 會 受 傷 的 。

　 　 要 不 是 那 位 老 師 對 我 說 「 林 振 強 ， 我 唔 鍾 意 見 到 你 個 樣 」 ， 也 許 我 的 興 趣 可 以 包 括 讀 書 ， 而 不 單 只 沉 迷 於 健 美 女 人 。

　 　 我 是 個 受 傷 的 男 人 。